Pacquiao kondisyon paingon sa Estados Unidos

CEBU, Philippines – Ang conditioning coach nga si Justin Fortune mitug-an nga 70 porsiyento na ang kondisyon ni Manny Pacquiao sa iyang training camp.

Si Pacquiao giingong adto motiwas sa iyang training sa Wild Card Gym sa Los Angeles sa Martes ug makig-uban siya og balik sa team boxing consultant nga si Freddie Roach.

Ang 40-anyos nga si Pacquiao, usa ka bulan na nga nagpakondisyon didto sa kaulohan ubos sa giya ni head trainer Buboy Fernandez. Mangandam  siya alang sa duha ka WBA welterweight titles batok ni undefeated Keith Thurman sa Hulyo 20 didto sa MGM Arena sa Las Vegas.

Sa laing bahin, gipahibalo ni Fortune nga usa ka taas ug kusog nga sparring partner ang nagpaabot ni Pacquiao didto sa Wild Card Gym.

Si Abie Lopez gihulagway nga adunay  susama og estilo ug gitas-on ni Thurman mao nga haom kining himuon nga sparmate ni Pacquiao.