Warriors manamilit na sa Oracle Arena
Emmanuel B. Villaruel (Banat) - June 13, 2019 - 12:00am

CEBU, Philippines — Naglaraw ang two-time defending champion Golden State Warriors  nga mokulit og katapusang daog sa ilang pagpanamilit sa Oracle Arena, ang labing karaan nga arena sa NBA nga nahimutang didto sa Oakland, California.

Human midaog sa Game-5 sa iskor nga 106-105 nga nakahatag kanila og laing kinabuhi sa NBA Finals niadtong Martes, ang Warriors makaduwa pa sa Oracle Arena sa katapusang higayon kay mobalhin na man sila sa bag-ong pasilidad nga mamahimo nilang homecourt sunod season.

Mahitabo kini sa Game-6 sa NBA Finals karong Biyernes sa buntag diin ang Warriors nagtinguha nga makatabla sa Toronto Raptors  sa  ilang  best-of-seven series.

Matud pa ni Warriors All-Star guard Klay Thompson nga ila gyud  gipaningkamutan nga modaog sa Game-5 kay ilang gibati nga utangan pa sila sa ilang fans og usa pa ka daog didto sa Oracle.

Ang Golden State gikatakda nang mobakwit sa bag-o nilang korte nga nagkantidad og $1 billion didto sa San Francisco sunod season.

Biyaan nila ang 53-anyos nga binyu nga nahimong homecourt sa Warriors sukad pa niadtong 1971.

Gumikan niini, si Warriors coach Steve Kerr nanghinaut nga manamilit sila nga mapasigarbuhon ug makadalit og kalipay sa ilang fans.

WARRIORS
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with