Davis posible i-trade sunod semana atol sa NBA Rookie Draft

CEBU, Philippines — Usa ka dakong NBA trade ang gipaabot nga mahitabo sunod semana atol sa NBA Rookie Draft nga maglambigit sa All-Star forward nga si Anthony Davis.

Ang NBA Draft ipahigayon sa Hunyo 20 didto sa New York diin ang Pelicans maoy unang mopili tungod kay sila ang nanag-iya sa first overall pick. Segurado na nga kuhaon sa New Orleans ang collegiate sensation ug giisip nga future NBA star nga si Zion Williamson.

Si Williamson usa ka forward ug susama og posisyon ni Davis, kinsa gituhoan nga buhian pinaagi sa trade.

Dili na matago nga ganahan na mohawa ang 7-footer forward nga si Davis sa Pelicans ug wala lang kini mahinayon atol sa trade deadline niadtong Pebrero.

Mga koponan nga  interesado ni Davis naglakip sa Los Angeles Lakers, Boston Celtics, Phoenix Suns ug New York Knicks.