Giannis, Harden apil sa NBA 'team of the year'

CEBU, Philippines – Sila si Giannis Antetokounmpo sa Milwaukee Bucks ug James Harden sa Houston Rockets maoy nangu sa botasyon alang sa NBA First Team of the Year, apan si LeBron James wala maapil sa listahan sa labing unang higayon sukad niadtong 2007.

Sila si Antetokounmpo ug Harden pareho sab nga mga finalists pagka-MVP karong season uban ni Paul George sa Oklahoma City Thunder.

Ang 24-anyos nga si Antetokounmpo, Harden ug George giubanan sa NBA First Team nilang Stephen Curry sa Golden State Warriors ug Nikola Jokic sa Denver Nuggets.

Ang second All-NBA Team gilangkuban nilang Damian Lillard sa Portland Trail Blazers, Kyrie Irving sa Boston Celtics, Kevin Durant sa Golden State Warriors, Kawhi Leonard sa Toronto Raptors ug Joel Embiid sa Philadelphia 76ers.

Si James sa LA Lakers nalabay  sa NBA third team sa labing unang higayon sa iyang karera.