Tinagsip sa NBA

Thompson wala malipay

CEBU, Philippines – Wala malipay si Golden State Warriors guard Klay Thompson nga wala siya maapil sa All-NBA First Team. Gipabuhagay ni Thompson ang iyang sentimento pinaagi sa iyang Twitter account.

Nalakip ang pangan ni Thompson ngadto lamang sa NBA Third Team uban ni LA Lakers superstar LeBron James.

Durant wala pa'y klaro makaduwa

Si Kevin Durant nga padayon pang nagpaalim sa injury sa iyang paa, lagmit makapalta sa Game-1 sa NBA Finals, apan ang Golden State Warriors masaligon nga makaduwa ra unya siya sa serye.

Gipadayag sa Warriors nga dili pa maayo ang pisikal nga kondisyon ni Durant alang sa pagsugod sa Finals karong Mayo 30. Maayo hinuon ang dagan sa rehabilitasyon ni Durant ug makabalik ra kini sa aksiyon sa labing dali nga panahon.