Alaska mao na sab mosuway pugong ni Jones

CEBU, Philippines – Turno na sab sa Alaska Aces nga mopugong sa gitan-aw nga labing dominanteng import sa PBA Commissioner's Cup nga si Terrence Jones sa TNT KaTropa.

Ang Alaska ug TNT magsangka sa alas-6:45 sa gabii human sa duwa tali sa NorthPort Batang Pier ug NLEX Road Warrior.

Ang kanhi Houston Rockets standout nga si Jones mipakita dayon sa iyang ka maayong laki atol sa iyang PBA niadtong Miyerkules diin mirehistro siya og 41 puntos sa 102-87 nga kadaogan sa TNT batok sa NLEX. Kini bisan pa og gilimitahan ang iyang playing time ni coach Bong Ravena aron  mahatagan siya og makapangandam sa duwa batok Alaska nga mikuha ni Chris Daniels isip ilang import.

Ang Alaska tuyo nga mamawi human sila mapilde sa ikaduha nilang duwa batok NorthPort.