4-0 sweep tuyo sa Warriors, apan iguodala wa'y klaro makaduwa

CEBU, Philippines — Laraw sa  Golden State Warriors nga kumpletohon ang target nilang 4-0 sweep, apan ang bitoon nilang swingman nga si Andre Iguodala wa'y klaro nga makaduwa sa dihang ilang harungon ang Portland Trail Blazers sa Game-4 sa NBA Western Conference finals karong alas-9 sa buntag didto sa Moda Center sa Portland, Oregon.

Si Iguodala, ang 2015 NBA Finals MVP alang sa Warriors, mibakwit sa korte sa ikatulong kuwarter atol sa 110-99 nilang kadaogan nga nakahatag kanila og dominanteng 3-0 nga labaw sa serye.

Nakaduwa siya sud lamang sa 18 minutos ug mitali og dos puntos, lima ka rebounds ug duha ka assists.

Human gipaubos sa MRI kagahapon, nasuta nga limpiyo ug walay seryosong kadaut sa walang bagtak ni Iguodala. Tambalan siya ug makabalik ra dayon sa korte sa labing dali nga panahon.

Sud sa 15 ka duwa sa playoffs, si Iguodala mi-average og 10.1 points, 4.3 rebounds ug 3.9 assists.

Samtang wala si Iguodala, si coach Kerr nagkanayon nga iyang ibabad og maayo si Alfonzo McKinnie isip temporaryong mohulip sa dapit niini. (BANAT NEWS)