Donaire nagpanikad ni Inoue
CEBU, Philippines — Nahingpit na ang bantamweight super showdown tali ni Pinoy boxing champion Nonito 'The Filipino Flash' Donaire ug Japanese boxing star Naoya 'Monster' Inoue alang sa finals sa World Boxing Super Series.
Si Inoue maoy makigsangka ni Donaire sa finals sa maong boxing series human ang Hapon mipakita sa iyang kabangis aron mapaundang sa second round ang Puerto Rican nga si Emmanuel Rodriguez kagahapon didto sa Scotland.
Si Donaire kinsa maoy unang miabante sa finals human niya panalipdi iyang super WBA bantamweight title batok Stephon Young niadtong miaging buwan, nagkanayon nga si Inoue gyud iyang gituohan nga makasangka tungod usab kay kini ang iyang giisip nga mamahimong karibal sa maong torneyo.
Sa maong kadaugan, si Inoue misakmit sa regular WBA ug IBF bantamweight titles nga mas mupadako sa nagsingabot nilang sangka ni Donaire nga posibleng mahitabo sa hinapos nga bahin ning tuiga.
"It's incredible; he came in here and did what he had to do," matud pa ni Donaire sa ESPN5."This is what we have been waiting for. We always thought we would meet each other -- it's destiny. This is what boxing is all about -- the best fighting the best. He's a monster, and I have to figure out a way to tame the monster. It makes me feel like I'm 21 again."
Si Inoue adunay perpektong rekord nga 18-0, 16KOs, samtang si Donaire mobida sa iyang 39-5, 25KOs nga baraha.
- Latest
