SMS-Boystown midominar sa Aloysian weightlifting
CEBU, Philippines — Gipakita sa mga weightlifters sa Sisters of Mary School (SMS)- Boystown ilang talagsaong kusug dihang gidominaran nila ang Aloysian Open Invitational Tournament Weightlifting competition kagahapon didto sa ilang balwarte sa SMS- Boystown Campus sa Minglanilla.
Nangulo sa SMS-Boystown si Jefrel Malagar kinsa misakmit og duha ka gold medals sa 49 kgs. division pinaagi sa snatch ug clean and jerk categories.
Si Gabriel Tacuyal midominar usab 55 kgs. division sa iyang duha ka bulawan, samtang si Reggie Norte maoy hari sa 45 kgs. division.
Si Robert Ponlaon mibingwit sa gold sa 61 kgs. division sa clean and jerk category, samtang iyang teammate nga si Brian Patriarca maoy hari sa snatch category.
Misidlak usab ang taga-Dumaguete City nga si Marjun Magludas kinsa naghari sa 67 kgs. division, samtang iyang teammate nga si Jeremiah Herar midaog sa 71 kgs. division.
- Latest
