Bucks milubong sa Raptors
Emmanuel B. Villaruel (Banat) - May 19, 2019 - 12:00am

CEBU, Philippines — Gilubong sa mangtas nga Milwaukee Bucks ang Toronto Raptors, 125-103 aron moposte og 2-0 nga bentaha sa NBA Eastern Conference finals kagahapon didto sa Fiserv Forum sa Milwaukee, Wisconsin.

Si Giannis Antetokounmpo miiskor og 30 ug milangkat og 17 ka rebounds sa Bucks nga dominado kaayo  gikan sa pagsugod ug sa usa ka higayon ilang gilubong og 28 puntos ang nagkagidlay nga Raptors.

"Mentally, we were ready for this game," matud pa ni Antetokounmpo. "Once the game started, we did a great job setting the tone. We knew Toronto was going to come and try to play hard and try to get one at our place."

Wala na molingi pa ang Bucks sukad sila mirehistro og 12 puntos nga labaw human  sa unang kuwarter luyo sa pagpanginit ni Nikola Mirotic.

Gitiwasan og kulata sa Bucks ang Raptors sa ikaduhang kuwarter aron pagpaburot sa ilang labaw ngadto na sa 25 puntos sa halftime, 64-39.

Misalida sab ang mga bangko nga sila si Ersan Ilyasova ug Malcolm Brogdon nga nagkumbinar og 27 puntos alang sa Bucks nga mikulit sa ikaunom nilang daog sa playoffs diin ilang gilubong ang ilang kontra og dili momenos 20 puntos aron tablahon ang NBA record.

Si Kawhi Leonard maoy nangu sa Raptors uban ang 31 puntos. Mikayod siya sa ikatulong kuwarter, apan igo lamang nakasikit ang Raptors ngadto sa 13 puntos.

Mitali  si   Kyle Lowry  og  15 puntos, apan   mipasud   lamang  og     upat    sa  13  niya  ka      itsa    hinungdan sa  pagkahagba   sa  Raptors.

Bugtong konsolasyon sa Raptors taliwala sa mapait nilang kapildihan mao  nga  mobalik sila sa ilang balwarte aron mo-host sa Bucks sa Game-3 ug Game-4 karong Lunes ug   sa Miyerkules.

RAPTORS
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with