Giannis, Harden, George finalists sa MVP award
Emmanuel B. Villaruel (Banat) - May 19, 2019 - 12:00am

CEBU, Philippines — Sila si Giannis Antetokounmpo sa Milwaukee Bucks, James Harden sa Houston Rockets ug Paul George sa Oklahoma City Thunder maoy ginganlan nga mga finalists alang sa pagka-MVP karon nga  season sa NBA.

Si Harden maoy reigning MVP ug kun ugaling siya gihapon maoy modaog sa maong prestihiyosong pasigungog, tataw nga dili makumpleto ang iyang selebrasyon gumikan kay ang Rockets gipalagpot man sa Golden State Warriors sa Western Conference semifinals.

Samtang si Antetokounmpo migiya sa Bucks sa labing nindot nga record sa NBA karon nga season ug ingon man ngadto sa Eastern Conference finals diin sila kasamtangang naglabaw, 2-0 batok sa Toronto Raptors.

Sa iyang bahin, si George nanglimbasog og maayo kay miduwa bisan og dunay injury sa iyang abaga sa unang hugna sa playoffs diin sila gitagak sa Portland Trail Blazers.

Ang modaog pagka-MVP ipahibalo sa usa ka bonggang seremnonyas karong Hunyo 24 didto sa Los Angeles.

Gawas sa pagka-MVP, sila si Antetokounmpo ug George kandidato sab isip Defensive Player of the Year uban ni Rudy Gobert sa Utah Jazz nga maoy midaog sa miaging tuig.

Ang finalists sa  Rookie of the Year mao sila si Deandre Ayton sa Phoenix, Trae Young sa Atlanta Hawks ug Luka Doncic sa Dallas.

MVP AWARD
Philstar
  • Latest
Latest
Latest
Recommended
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with