NLEX wala tungaha sa import
CEBU, Philippines — Nagkara-kara karon og pangita'g laing import ang kadagkoan sa NLEX Road Warriors dihang wala sila tungaha ni veteran import Tony Mitchell nga una nilang gipili isip reinforcement.
Ang Road Warriors nagpangita og ikapuli ni Mitchell human ang nauwahi wala miabot sa petsa nga ilang gisabotan. Ang tanang koponan miandam na sa ilang mga line-up alang sa PBA Commissioner's Cup nga sugdan karong Domingo.
Gisuwerte hinuon ang NLEX tungod kay dali sila nga makakaplag og puli ni Mitchell nga mao si Curtis Washington.
Si Washington, usa ka veteran international import adunay gitas-on nga 6-foot-9 ug aduna sab kini talagsaong abilidad sa opensiba nga napakita niini dihang miduwa kini sa Bahrain. Mi-average siya og dul-an sa 31 puntos matag duwa.
- Latest