Mga walhon ampay ni Thurman
CEBU, Philippines – Maisip nga usa ka delikadong kaatbang si super WBA welterweight champion Keith Thurman ni Manny Pacquiao tungod kay mas anad na kini moaway ug mopukan og mga southpaw kon walhon nga mga boksidor.
Sila si Pacquiao ug Thurman magsangka sa Hulyo 20 diin isugal ni Pacquiao iyang regular WBA welterweight belt.
"There's something about 'super' WBA welterweight champion Keith Thurman's history that makes him a dangerous opponent for Pacquiao. Thurman's trainer Dan Birmingham is an expert in dissecting southpaws," matud pa sa veteran boxing analyst nga si Quinto Henson sa The Philippine Star.
Ang trainer ni Thurman nga si Dan Birminghan nabantog na nga usa ka maayo nga tactician ug dili na bag-o alang kaniya nga mohimo og gameplan batok sa mga southpaw fighters.
Sa 29 ka daog ni Thurman, lima niini ang mga walhon nga pulos gipanghipos sa British boxer. Kini naglakip nila ni Luis Collazo, Carlos Quintana, Marcus Luck, Carlos Peña ug kanhi champion nga si Robert Guerrero.
Nasayran nga sa wala pa siya'y tarong trainer, si Thurman misuway pagduol ni Freddie Roach, kinsa consultant karon ni Pacquiao, apan mas gipalabi niini si Birminghan human makita ang abilidad sa trainer.
Hinuon, ang kampo ni Pacquiao masaligon nga modaog ilang manok tungod kay dili lang ang pagka-walhon ang bantayan ni Thurman, apan lakip na usab ang kapaspas ug kaidlas sa Pinoy boxing icon.
- Latest
