Lue, Kidd kandidato pagka-head coach sa Lakers

CEBU, Philippines – Duha ka veteran coaches nga sila si Tyronn Lue ug Jason Kidd ang pilian aron himuong bag-ong head coach sa Los Angeles Lakers alang sa sunod season sa NBA.

Si Kidd nga katapusan  nahimong coach sa Milwaukee Bucks, nakigkita na sa  kadagkoan sa Lakers aron hisgutan ang bakanteng coaching position.

Si Lue nga maoy coach sa Cleveland Cavaliers nga mikampiyon niadtong tuig 2016, sunod nga nakigkita sa   kadagkoan sa Lakers nga gipangulohan ni general manager Rob Pelinka.

Wala pa hinuo'y opisyal nga pamahayag gikan sa Lakers   kun  kinsa ang sunod nilang coach, apan posible nga anaa ra sa duha ang kuhaon sa usa sa labing malampusong franchise sa NBA.

Si Kidd nahimong coach sa Bucks sud sa upat ka season diin nahatod niya ang koponan sa playoffs, apan nagbuwag sila og dalan niadtong miaging tuig.

Sa iyang bahin, si Lue pamilyar kaayo sa Lakers star player nga si LeBron James tungod kay nagkauban sila sa Cavaliers.

Ang   Lakers   wala na'y coach human  mibiya si Luke Walton.