Kickboxing sa Cansaga Consolacion gitakda
CEBU, Philippines – Ang mga lumolupyo sa Barangay Cansaga sa Consolacion ug sa mga kasikbit nga mga dapit ang makasaksi sa kulbahinam nga kumbati ibabaw sa ring pinaagi sa 2019 Full Contact Kickboxing Superfights karong Abril 27, adlaw'ng Sabado diha sa Cansaga Open Arena sa nahisgutang lungsod.
Mga banggiitang kickboxers gikan sa nagkalain-laing kahugpongan dinhi sa Sugbo ang mopakita'g aksiyon ning maong kompetisyon.
Matud pa sa usa sa mga organizers nga si Master Dann Diaz, nga ang mga clubs nga mosalmot mao ang Arcomjukai MMA Club, Unicom Martial sa Subangdaku, Xeptac Combat Sports Club sa Basak Mandaue, Muay Thai, Aray Taekwondo Club sa Consolacion, Will Back Arnis Sports Club sa Cubacub, RRA Martial Arts sa Mandaue City College sa Canduman, DBD Tigers Hall of Martial, SDG ug Lacion Starug Batang Lacion.
Adunay pasundayag sa mga artista sa Visyan Film Production ug daghang mopakita sa ilang abilidad sa kumbati sa pangamot pinaagi sa abilidad sa orasyon Sta. Cruz Corazon, Tadtad Incorporated.
Ang bakbakan nga sugdan sa alas-7:30 sa gabii gipaluyohan sa Brilliant Metals Craft, Nature's Spring Mineral Water, Atan's Larangan, Hon. Brando Cuizon, Hon. Ben Ermac, Dr. Paulo's Cañete College, Atty. Jessie Mae Diaz, Glen Soco Global School,, Dr. Boy Calipayan. Suportado sab kini nilang Mr. & Mrs. Antonio Tuico, Mr. & Mrs. Bert Gedorio, Mr. & Mrs. Christopher Cascabel, Gilbert Sebandal ug Moshee Maxilom.
- Latest
