E&F Surplus pabiling lider sa CLBA Season 2; Chichay's Chicharon, Princess Shaira daog sab
Yoyo R. Abayan (Banat) - April 24, 2019 - 12:00am

CEBU, Philippines — Namawi si Fury 'Triggerman' Trazona sa dili kaayo maayo niyang  performance sa miaging duha ka duwa dihang nagmangtas kini aron giyahan ang iyang koponan E&F Surplus nga makaipsot sa Kalubi-an, 74-72 sa CLBA Season 2 basketball tournament sa miaging Martes didto sa GT Academy gym sa Tayud, Lilo-an.

Si Trazona miratsada og 24 puntos sa E&F Surplus nga padayong nag-una sa standing bitbit ang 7-1 nga baraha.

Natakdan sab sa kainit ni Trazona si Kenn Nuñez nga mikamada og 21 puntos ug sila si Tata Betinol ug Arprel Sabang nga nagkumbinar og 26 puntos sa E&F Surplus nga mihimo og talagsaong rally sa fourth quarter aron maangkon og dos puntos nga daog.

Si Almer Icot mao sab ang nangu sa Kalubi-an pinaagi sa iyang 25 puntos.

Ang Kalubi-an nga nagtangag og 5-2 nga baraha nakigsawo na karon sa Jonghap ug sa Chichay's Chicharon nga midaog sab pinaagi sa paglubong sa Nazarene, 86-59.

Si Walter Baring maoy topscorer sa Chichay's Chicharon nilang Wendy Quiapo, Jun Rayan Pepito ug Arnel 'Cdu' Pepito nga mibagnos og 30 puntos, gisundan ni Michael Rojo Ang Nazarene nga nagpas-an og 2-6 nga baraha gipangulohan ni Raymund Basañez nga mialsa og 15 puntos, samtang sila si Sapili Ansili ug Elnie Dublin nagkumboya'g 25 puntos sa team ni Jed Balaod.

Sa laing duwa, ang Princess Shaira ni Rommel Bucatan mipupo og daog batok sa 4Nichole's Farm ni Mitcham Tiro, 82-76.

Gipangulohan ni Manatad ang Princess Shaira nga miburak og 29 puntos, si Francis Suico mitampo og 19 puntos sa Princess Shaira nga duha pa'y daog sa walo ka duwa.

Ang 4Nichole's Farm ubos ni coach Sugar Adaptar gipangulohan ni Edmund Cañete nga miani og 14 puntos, gisundan ni James Auman ug Niño Icot sa ilang 12 ug 10 puntos.

Ang liga nga naumol pinaagi nilang ballclub president Arnold Labustro ug vice president Henry Agbon gipaluyohan sa Union Galvasteel ug J&J Surplus.

Ang mga duwa ubos sa superbisyon ni league commissioner Fury Trazona sa abag nilang Chang Tejero, Harris Perez ug Eric Montebon.

PUNTOS MATAG USA

Unang duwa:

EF Surplus (74) – Trazona 24, Nuñez 21, Betinol 16, A. Sabang 10, Caballes 3.

KALUBI-AN (72) – Icot 25, Mangapis 11, Cortes 9, Pepito 8, Barriga 8, Pepito 4, Cabahug 4, Pepito 3.

Ikaduhang duwa:

CHICHAY'S (86) – Baring 30, Rojo 19, Caparoso 9, Pepito 8, Villaronza 7, Sayta 4, Nogas 3, Pepito 4, Noynay 2.

NAZARENE (59) – Basañez 15, Ansili 13, Dublin 12, Manatad 8, Sinugbuhan 5, Cabatungan 2, Misoles 2, Marquez 2.

Ikatulong duwa:

PRINCESS Shaira (82) – Manatad 29, Suico 14, Sanchez 12, Alimpoos 8, Bucatan 6, Santome 3, Ygot 2.

4NICHOLE'S (76) – Cañete 14, Aauman 12, Icot 10, Japos 9, Lascuna 6, Calexterio 4, Owatan 3, Roland 2, Berandal 2.

CLBA SEASON 2
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with