Spartans, fighters daog na sab sa liga sa Carmen
Yoyo R. Abayan (Banat) - April 24, 2019 - 12:00am

CEBU, Philippines — Midaog na sab sa ikaduhang sunod-sunod nga higayon ang Spartans ug Fighters batok sa tagsa-tagsa nilang kaatbang sa Liga sa Carmen niadtong Domingo didto sa Carmen gym.

Ang Spartans nakaeskapo sa ligas kaayo nila nga duwa batok sa Mt. Carmel sa iskor nga 104-103, samtang ang Fighters midaog lang og kuwatro puntos batok sa Baring 93-89.

Sa mao nilang kadaogan, ang Spartans ug Fighters temporaryo nga nakigsawo sa liderato uban sa D'Bombers sa  ilang 2-0 nga baraha.

Kuyaw kaayong nakaduwa si Ricardo Moral  ug gipangulohan ang Spartans pinaagi sa iyang 31 puntos nga igo na kaayo alang kaniya aron ilhong best player of the game. Sila si Yu Antigua, James Veloso ug Red Capuno pareho sab nga miiskor og double figures sa Spartans nga nalumpayat sa kalipay.

Ang 1-1 nga Mt. Carmel gipangulohan ni Jerry Singson nga mikamada og 22 puntos, gisundan nilang Tom Adolfo ug Gens Arecayos nga parehong mipugnit og 16 puntos. Sila si Jemar Castro ug Bryan Capuyan nagkumboya'g 25 puntos sa napildeng Mt. Carmel.

Sa laing bahin, si Jake Sanico mao sab ang nahimong best player human niya pangulohi ang Fighters batok sa Baring pinaagi sa iyang 19 puntos.

Si Kenneth Watin miantog og 18 puntos, si Luther Cadutol miamot og 16 puntos ug si Christian Bejoc mitampo'g 14 puntos.

Ang Baring nga nagbitbit sab og 1-1 nga baraha gipangulohan ni Aljun Dimco nga  mipabuhagay og 29 puntos, sila si Reynan Villamor ug Rashed Tacocong nagtampohay og 11 puntos sa Baring.

Ang liga giorganisar sa Thirdy's Jersey ug sa SK Federation ubos sa liderato ni Jether Lacno, gipadagan ni commissioner Arjie Lacno.

PUNTOS MATAG USA

Unang duwa:

SPARTANS (104) – Moral 31, Y. Antigua 19, Veloso 15, Capuno 10, J. Antigua 9, Duria 6, Hinlas 5, Bejoc 4, Maningo 4, Bontia 1.

MT. CARMEL (103) – Singson 22, Adolfo 16, Arecayos 16, Jem. Castro 13, Capuyan 12, Kiamco 8, Jes. Castro 5, Jayson 5, Binoliano 3, Pones 3.

Ikaduhang duwa:

FIGHTERS (93) – Sanico 19, Watin 18, Cadutol 16, Bejoc 14, Pono 7, Davidon 6, Abella 5, Estenzo 3, Senier 3, Barcelona 2.

BARING (89) – Dimco 29, Villamor 11, Tacocong 11, Abayon 9, Castro 8, Perez 7, B. Morales 5, Bermejo 4, Suico 3, W. Morales 2. 

SPARTANS
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with