Bucks abante sa 2nd round
Emmanuel B. Villaruel (Banat) - April 24, 2019 - 12:00am

CEBU, Philippines — Sa labing unang higayon sud sa 18 ka tuig, ang Milwaukee Bucks nakaabante na gyud sa ikaduhang hugna sa NBA playoffs human gi-sweep ang Detroit Pistons, 127-104 sa first round Eastern Conference playoff series kagahapon didto sa Little Caesars Arena sa Detroit, Michigan.

"I think it's important that we take a second tonight. Enjoy it," matud pa ni Bucks coach Mike Budenholzer. "It's a good night for Milwaukee. It's a good night for the Bucks."

Si Giannis Antetokounmpo mipabuhagay og 41 puntos alang sa Bucks nga nakaabot sa second round sa post-season sa labing unang higayon sukad niadtong 2000-2001 season diin sila nakalahutay sa NBA semifinals.

Bugnaw kaayo ang sinugdanan sa Bucks, apan miarangkada sila sa second half hinungdan nga ilang nalubong ang Pistons og 23 puntos.

Ilang gitapos sa ikatulong kuwarter pinaagi sa  17-3 run aron pagposte og 10 puntos nga labaw sa nahibiling 10 minutos sa aksiyon. Kontrolado na kaayo nila ang duwa sukad niadto.

Sangkaon sunod sa Bucks mao ang Boston Celtics  nga  miiskor sab og 4-0 sweep sa Indiana Pacers sa kaugalingon nilang serye.

Samtang nagmaya ang Bucks, naminghoy ang Pistons nga mikulit og NBA record nunot sa ika-14 niining sagunson nga pilde sa playoffs nga nagsugod sukad pa niadtong 2008.

Sa laing bahin,  lahi sa Pistons, ang Utah Jazz nakalingkawas sa makauuwaw nga sweep human sila midaog sa Game 4 batok Houston Rockets, 107-91 didto sa Vivint Smart Home Arena.

Ang ilang star player nga si Donovan Mitchell miburak og 31 puntos ug siya usab ang nangulo sa scoring rally sa Jazz nga maoy mipahagba sa Rockets.

Si Jae Crowder midugang og 23 puntos, samtang si Ricky Rubio mitampo og 18 puntos.

Si James Harden, ang reigning MVP, miiskor og 30  puntos sa Rockets, apan dili kini igo aron atbangan ang init nga opensa sa Jazz. 

MILWAUKEE BUCKS NBA
Philstar
  • Latest
Latest
Latest
Recommended
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with