Times Square chessfest sa Abril 28
CEBU, Philippines — Ang ikaduhang monthly qualifying sa Times Square Talamban Chess Tournament gikatakda nga banatan karong Domingo.
Ang maong 7-round Swiss system competition dunay duha ka age groups, ang Under 10 ug Under 16.
Makadawat og ganting salapi ang mga mananaog. Ang top 3 mobulsa og P1,000, P700 ug P500 sa Under 10, ug P1,500, P1,000 ug P800 sa Under 16 category.
Dunay espesyal nga premyo nga P400 ang ihatag ngadto sa labing maayong player nga nag-edad og otso anyos paubos ug P500 alang sa labing maayong player nga nag-edad og 12 anyos paubos.
Alang sa dugang detalye mahimong mokontak ni De la Torre sa 0908-1635144. (BANAT NEWS)
- Latest