Butler, Dudley, DeRozan gipamulta
Emmanuel B. Villaruel (Banat) - April 23, 2019 - 12:00am

CEBU, Philippines — Sila si Jared Dudley sa Brooklyn Nets ug Jimmy Butler sa Philadelphia 76ers gipahamtangan og multa sa NBA gumikan sa ilang papel sa miulbong kagubot atol sa miagi nilang duwa didto sa New York.

Si Dudley gipabayad og $25,000 (P1.3 million) gumikan sa pagpasiugda niini sa kasamok human iyang gilayog ang sentro sa 76ers nga si Joel Embiid.

Samtang si Butler gipamulta og $15,000 (P780,000) gumikan sa pagtukmod niini ni Dudley nga nakapasamot sa nahitabong gubot.

Ang duha parehong napitohan og technical foul ug na-ejected  sa oras nga 7:42 sa ikatulong kuwarter atol sa 112-108 nga kadaogan sa 76ers batok sa Nets didto sa Barclays Center.

Ang insidente nagsugod sa dihang si Embiid gitawgan og hard foul batok ni Jarrett Allen nga maoy nagtukmod ni Dudley nga moataki ngadtong Embiid.

Sa laing insidente, si DeMar DeRozan sa San Antonio Spurs gipamulta sab sa liga og $25,000 gumikan sa paglabay niini og bola ngadto sa reperi ug ingon man ngadto sa lingkoranan sa mga fans.

Sa iyang gibuhat, si DeRozan natawgan og technical foul ug na-ejected sa nahibilin nga 5:01 sa duwa atol sa 117-103 nga kapildihan sa Spurs batok sa Denver Nuggets didto sa ilang korte niadtong Domingo. Tabla karon ang ilang serye sa baraha nga 2-2. (BANAT NEWS)

JIMMY BUTLER NBA
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with