Oroyan, Tiwan pulos nagbangis sa J&J Surplus
CEBU, Philippines — Nagbangis sila si Larry Oroyan ug Jomar Tiwan nga parehong mikadlit og 20 puntos aron pangulohan ang JJ Surplus nga mipahamtang og laing kapildihan sa Forwarders, 84-78 sa CLBA Season 2 basketball tournament sa miaging Sabado didto sa GT Academy gym sa Tayud, Lilo-an.
Ang 4-3 nga J&J Surplus nakakuha sab og igong suporta gikan nilang Terrence Cadao ug Romnick dela Rama nga nagkumbinar og 21 puntos sa team ni Henry Agbon.
Ang team manager nga Genesis Pepito mao sab ang nangu sa upat ka Forwarders players nga mikolekta og double figures nga mihakot og 25 puntos. Sila si Doro Balansag ug Genry Tamparong parehong miantog og 17 puntos, samtang si Lee Jr. miambit og 12 puntos sa Forwarders nga mao na lang ang bugtong team nga wala pa'y daog sa 12 ka partisipanteng koponan.
Ang Forwarders nangiwit karon sa standing bitbit ang 0-7 nga baraha ning maong liga nga gipaluyohan sa Union Galvasteel ug J&J Surplus.
Sa lain pang duwa, ang PhilCement mikulit sa ilang ikaupat nga daog human gipilde ang Jonghap Tang-an, 72-66, midaog sab ang Villa Reyna Subd. human makaipsot sa Pilapilan, 59-55.
Ang liga nga nahimo pinaagi sa paningkamot sa presidente niining si Arnold Labustro ug bise presidente Henry Agbon, ubos sa superbisyon ni commissioner Fury Trazona sa abag nilang Chang Tejero, Cresente Pilapil, Harris Perez ug Eric Montebon.
PUNTOS MATAG USA
Unang duwa"
J&J Surplus (84) - Oroyan 20, Tiwan 20, Cadao 12, Dela Rama 11, Romaguera 7, Astillero 5.
FORWARDERS (78) - G. Pepito 25, Balansag 17, Tamparong 17, Lee Jr. 12, Abraham 2.
Ikaduhang duwa:
PHILCEMENT (72) - Dejarme 16, T. Tiongson 15, L. Pepito 13, B. Tiongson 11, Mantos 6, Gestupa 4, Yballe 2, Mananquil 2.
JONGHAP (66) - Jeres 23, Bonghanoy 13, Pitogo 12, Entrampas 4, Sofia 3, Abella 2, Abella 2.
Ikatulong duwa:
VILLA REYNA (59) - Macaalay 14, Rabaya 14, Lozano 6, Doblas 6, Bihag 5, Parahili 5, De Dios 3, Delos Cientos 2.
PILAPILAN (55) - Pilapil 13, Mendoza 12, Caparoso 11, Orque 8, Bolande 6, Caroro 3, Royaks 2.
- Latest
