Clippers, Sixers nakabawos
Emmanuel B. Villaruel (Banat) - April 17, 2019 - 12:00am

CEBU, Philippines – Ang Los Angeles Clippers ug Philadelphia 76ers  nakabawos sa tagsa-tagsa nilang mga karibal aron tablahon ang ilang NBA first round playoff series sa baraha nga 1-1.

Ang Clippers mihimo og kasaysayan human nila gipapas ang 31 puntos nga labaw sa  Golden State Warriors, 135-131 didto sa Oracle Arena sa Oakland, California.

Kini ang labing dakong labaw nga naapas sa usa ka koponan ug midaog sa usa ka playoff game sukad niadtong tuig 1989 diin midaog ang Los Angeles Lakers bisan pa og nalubong og 29 puntos sa Seattle Supersonics.

"That's a record we didn't necessarily want to have. We'll take it," matud pa ni veteran Lou Williams nga maoy nangu sa kadaogan sa Clippers pinaagi sa iyang 36 puntos.

Daw wala na'y tsansa ang eight seed nga Clippers nga modaog, apan usa ka bangis nga rally ilang gilusad sa hinapos nga bahin sa third period aron mosikit sa Warriors.

Ang three-pointer ni Landry Shamet sa katapusang 16 segundos maoy mipadaog sa Clippers. Ang Clippers may kahigayonan nga mosakmit sa 2-1 nga labaw  kay ang  Game-3  adto man duwaon sa Staples Center.

Didto sa Wells Fargo Center sa Philadelphia, si Simmons migaling og triple-double sa dihang  gilubong  sa Sixers ang Brooklyn Nets sa iskor nga 145-123.

"I was just trying to be me," matud pa ni Simmons nga mihipos og 18 puntos uban ang 12 ka assists ug 10 ka rebounds.

Si Simmons nga nalimitahan ngadto lamang sa nuybe puntos sa ilang kaparotan sa Game-1 diin sila gi-boohan sa ilang mga fans.

Kontrolado na daan ang duwa gikan sa pagsugod, gitiwasan sa Sixers og kulata ang Nets human gibuksan ang second half pinaagi sa   14-0 run.

Dako sab naambag si Joel Embiid nga miratsada og 23 puntos ug 10 ka rebounds.  Mikadlit siya og 13 puntos sa ikatulong kuwarter diin ang Sixers naglabaw og 29 puntos nga nakapabarag sa Nets sa  hinapos nga bahin sa duwa.

CLIPPERS
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with