Parks dili mopasalig
CEBU, Philippines – Gitug-an ni Fil-Am sensation Ray Parks Jr. nga dili siya makapasalig nga maluwas ang Blackwater Elite ug mapas-an ang koponan ngadto sa kalampusan.
Si Parks nga mipirma og two-conference contract sa Elite, nagkanayon nga dili siya ingon ana ka maayong laki nga makapadaog og koponan nga mag-inusara.
"I believe in the team. I'm not gonna be the savior of the team, I'll be honest about that. It's not one man going to beat five, it's just gonna be a collective effort," matud pa sa kanhi two-time ABL MVP sa TV5.
Ang 6-foot-4 nga si Parks andam nga makigtambayayong sa mga players sa Blackwater aron makasud sa playoffs sa sunod conference.
Si Parks mohimo sa iyang PBA debut sa Commissioner's Cup human siya mibiya sa Alab Pilipinas diin mi-average siya og 15.8 points, 4.2 rebounds ug 3.3 assists.
- Latest
