_banat
^

Argao kampiyon sa 2nd district

Emmanuel B. Villaruel (Banat) - April 8, 2019 - 12:00am

CEBU, Philippines — Nadasig sa mainit nga abiba sa bagang duot sa ilang fans, ang Argao milusad og bangis nga opensiba sa tunga-tungang mga kuwarter aron ilampaso ang Samboan, 91-69, ug langkaton ang titulo sa 2nd District sa 2019 Cebu Governor's Cup Inter-Cities and Municipalities Under 21 Developmental Basketball Tournament niadtong Sabado sa gabii didto sa Sec. Cerge Remonde Cultural and Sports Complex sa lungsod sa Argao habagatang bahin sa Sugbu.

Nindot unta ang salida sa bisitang Samboan sa sinugdanan ug gani nakalabaw pa sila og kuwatro puntos, 22-18, apan kalit lang silang natikyaob taliwala sa madasigon nga resbak sa host team.

Determinado nga dili mauwawan atubangan sa ilang mga katagilungsod, sila si Jimwel Torion Jr. ug Jomari Parantar nag-uban og puwersa aron mopabuto og nagbagang 28-15 rally sa ikaduhang kuwarter hinungdan nga pag-abante sa Argao sa halftime, 46-37.

Miapil sab dayon og ratsada sila si Leandro Kenn Manloloyo, Darren Lloyd Dayag ug Carlo Nino Kintanar hinungdan nga gilabhan na sab sa Argao ang Samboan sa ikatulong kuwarter, 22-11, aron pagpaburot sa ilang labaw ngadto na sa 20 puntos, 68-48.

Wala na makabangon pa sukad niadto ang mingsukarap nga Samboan.

Si Manloloyo maoy nangu sa Argao uban ang 23 puntos, 15 niini iyang gibubo sa second half,samtang si Parantar mikabkab og 22 puntos.

Si Torion Jr., anak ni kanhi PBA star Jimwel Torion, mikadlit sa tanan niyang 12 puntos sa first half.

Nagparamdam sab silang Dayag ug Kintanar nga nagkumbinar og 17 puntos alang sa Argao nga garantisado na og P100,000 nga bonus padung ngadto sa quarterfinal round.

Si John Michael France Rosal mitapos uban ang 15 puntos, samtang sila si Raphael Dinampo ug Eves Nino Manolong nagkumboya og 21 puntos sa pilderong kawsa.

Hinoon bisan og napilde, ang Samboan sud na sa quarterfinals gawas nga mibulsa og P50,000 sa pagtapos nila sa ikaduhang dapit sa ilang cluster.

ARGAO
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with