Talisay, Tuburan misakmit district titles sa Governor's Cup
Emmanuel B. Villaruel (Banat) - April 5, 2019 - 12:00am

CEBU, Philippines – Gitagak sa defending champion Talisay City Aquastars ug Tuburan ang tagsa-tagsa nila ka mga karibal aron pagsakmit sa titulo sa ilang distrito sa 2019 Cebu Governor's Cup Inter-Cities and Municipalities Under 21 Developmental Basketball Tournament niadtong Miyerkules sa gabii.

Nadasig sa mainit nga abiba sa ilang katagilungsod, ang Aquastars nakabawi sa bugnaw nga sugod aron patiorukon ang Minglanilla Archangels, 97-89 ingon man sakmiton ang korona sa 1st District.

Si Jay Dieparine miayag og 29 puntos sa wala pa ma-fouled out sa katapusang 1:46 sa aksiyon aron pangulohan ang Talisay.

Si Clark Louis Ruedas miiskor og 16, samtang sila si Jhaylord Castro ug Raffy Bacasmas nagkumbinar og 24 puntos alang sa Aquastars nga naalkansi og sayes puntos human sa unang 10 minutos sa aksiyon.

Apan ang Aquastars mibawos sa ikaduhang kuwarter, 20-11 aron sa pag-abante og dos puntos sa halftime, 46-44.

Human sa 73-73 nga panagtabla, ang Aquastars nagsandig sa solido niining salida sa endgame aron paludhon ang Archangels.

Sama sa Talisay, ang Tuburan mipahimus sab sa ilang homecourt advantage aron ilubong ang Balamban sa iskor nga 92-71  aron sab maghari sa 3rd District.

Ang Talisay ug Tuburan mibulsa og P100,000, samtang ang mga pildero nakadawat og P50,000.

Sa 5th District, ang Sogod ug Danao City mipalagpot sa ilang mga kontra aron paglukat og tiket ngadto sa quarterfinals.

Si Meljay Cuizon mipatuasik og 30 puntos ug si Chrislee Rivera miamot og 20 puntos sa dihang gipilde sa Sogod ang finalist sa miaging tuig nga San Francisco, 81-70, samtang ang Danao migamit sa bagsik niining 35-17 nga ataki sa sinugdanan aron pakgangon ang Carmen, 96-81.

Ang Sogod ug Danao magsangka alang sa 5th District title karong gabii didto sa Danao City Sports and Civic Center. 

Magtige sa laing district finals mao ang Medellin batok Tabuelan (4th District) ug Alegria batok Dumanjug (7th District).

GOVERNOR'S CUP
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with