MMA legend midayeg sa Cebu fighters
CEBU, Philippines – Ang mixed martial arts legend nga si Rich Franklin, ang vice president sa ONE Championship midayeg pag-ayo sa mga Cebuano fighters atol sa iyang gipahigayon nga free seminar alang sa mga batan-ong MMA aspirants niadtong Domingo diha sa Yaw-Yan ArDigma gym.
Si Franklin, usa ka kanhi world champion ug giila isip pioneer sa maong sports, mibisita sa Sugbo aron sa pagpangita og mga masaarong fighters nga paawayon sa One Warrior Series, usa ka combat-based reality show diin suwayan nila pagkaplag ang sunod nga MMA superstar gikan sa Asya.
Si Franklin uban sa ONE staff, midalikyat sa Yaw-Yan ArDigma gym ni Master Benigno 'Ekin' R. Caniga Jr. ug nakit-an nila si undefeated amateur standout Allan Albindo nga nagustohan sa MMA legend ug dad-on sa Singapore alang sa OWS.
Wala usab palagpasa ni Franklin nga makatudlo sa mga batan-on nga produkto sa grassroots program sa Yaw-Yan uban ang mga kabus nga bata gikan sa Barangay Day-as.
Sa iyang bahin, si Master Ekin mapasigarbuhon tungod kay ang Yaw-Yan ArDigma ang labing unang MMA gym nga giila sa One Championship.
"This is my ultimate goal, to produce fighters that will represent Cebu in international tournaments," matud pa ni Master Ekin.
- Latest
