Rockets abante playoffs
Emmanuel B. Villaruel (Banat) - March 26, 2019 - 12:00am

CEBU, Philippines – Pormal na nga nakasulod sa playoffs ang Houston Rockets human gipatikangkang ang New Orleans Pelicans, 113-90 sa NBA kagahapon didto sa Smoothie King Center sa New Orleans, Louisiana.

Si James Harden maoy mitimon sa Rockets nga mipaulbo  og 28 puntos sa pagpakaging sa Pelicans.

Dominado kaayo sa Rockets ang duwa gikan sa pagsugod ug wala na nila paginhawaa pa ang Pelicans sukad sila miposte og 19 puntos nga labaw sa halftime.

"We were professional from the beginning of the game," matud pa ni Harden, ang scoring leader sa liga karon nga season uban ang average nga 36.4 points matag duwa.

"We've had previous games where teams weren't as good, or whatever you want to call it, and we kind of let up and we let one slip. So that was a good job from top to bottom."

Si Eric Gordon mi-iskor og 18 puntos, samtang si Chris Paul dunay 10  puntos  ug 13 ka assists alang sa Rockets nga nagpabilin sa ikatulong dapit sa Western Conference uban ang 47-27 win-loss record.

Sa laing duwa, si Giannis Antetokounmpo mitali og 26 puntos ug milangkat og 10 ka rebounds sa dihang gipanimaslan sa Milwaukee Bucks ang Cleveland Cavaliers pinaagi sa paglubong sa iskor nga 127-105.

Wala hinuon makaduwa si Antetokounmpo sa dihang gibihag sila sa Cavs, 107-102 upat ka adlaw ang milabay.

Didto sa Oakland, sila Stephen Curry ug Klay Thompson nagkumbinar og 50 puntos alang sa Golden State Warriors nga mibangon gikan sa makauulaw nilang pilde batok sa Dallas Mavericks ug gipahungawan sa ilang kalagot ang Detroit Pistons, 121-114.

Gumikan sa maong daog, naangkon og balik sa Warriors ang liderato sa Western Conference  bitbit ang 50-23 nga baraha.

Sa lain pang mga resulta, ang Los  Angeles Lakers mibuntog sa Sacramento Kings, 111-106, samtang  midaog sab ang ilang silingang LA Clippers  batok sa New York Knicks sa iskor nga 124-113.

Gilubong sa Indiana Pacers ang Denver Nuggets, 124-88   aron mopahiluna sa ikaupat nga dapit sa Eastern Conference uban ang 45-29 nga baraha. Ang Charlotte Hornets nakaipsot bitbit ang 115-114 nga kadaogan batok sa Toronto Raptors ug ang San Antonio Spurs mipaluhod sa Boston Celtics, 115-96.

ROCKETS
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with