Power Forty President's Cup gikatakdasa Abril 27
CEBU, Philippines — Nagpadayon gihapon ang practice game sa tanang miyembro sa Power Forty Ballclub diha sa Inayawan Sports Complex, Dakbayan sa Sugbo.
Pangandam kini alang sa taliabot nilang liga nga pagaulohan og "Power Forty President's Cup 2019" nga gikatakdang buksan sa Abril 27 sa alas-8 sa buntag sa maong sports complex.
Unom ka teams ang magtigi sa kampiyonato nga pangulohan sa defending champion Water Market ni team owner Vez Eleguin ug runner-up Tony & Edgar nilang Tony Navares ug Edgar Nacario.
Ang laing upat ka teams mao ang Sanchez N. Atillo Lending nilang Gastner Sanchez ug Sammy Atillo, Park 'N Go ni Romy Rama, HLY & Friends ni Atty. Flor Yosores ug AMBL Tarpaulin Makers ni Allan Lim.
Moduwa sila ubos sa single round robin format sa elimination diin ang top 2 teams awtomatik nga moabante sa semifinals.
Samtang ang no. 3 ug no. 5 magtagakay sa quarterfinals ug ang modaog maoy moabante sa semifinals diin ilang harungon ang no. 2. Mao sab ang mahitabo no. 4 ug no. 6 diin ang modaog makaangkon og katungod nga mohagit sa no. 1 sa semis.
Ang mga modaog sa semis maoy mag-abot sa kampiyonato, samtang ang mga pildero mag-ilog na lang alang sa ikatulong puwesto.
Kining umaabot nga liga gimugna pinaagi sa paningkamot sa presidente niining si Edwin Dejacto Sr. inabagan sa tanang miyembro sa Power Forty Ballclub.
Gawas lang sa opening, ang mga duwa himuon matag Martes sa gabii diha gihapon sa Inayawan Sports Complex.
- Latest