Warriors moharong sa Gin Kings

CEBU, Philippines — Suwayan sa NLEX Road Warriors pagsakmit sa ikatulo nilang sunod-sunod nga daog sa ilang duwa batok sa Barangay Ginebra  San Miguel sa nagpadayong aksiyon sa PBA Philippine Cup karong adlawa didto sa AUF Sports Arena and Cultural Center sa  Angeles, Pampanga.

Ang duwa sugdan sa  alas-5 sa hapon.

Sa rekord nga 4-5, ang NLEX ni coach Yeng Guiao kun modaog batok sa Ginebra pormal na nga moabante sa playoffs.

Lab-as pa sa ilang 122-101 nga kadaogan batok sa Blackwater Elite niadtong  Domingo, ang NLEX  magsandig nilang Philip Paniamogan, JP Erram ug Cebuano JR Quiñahan.