Mga bigatin mokumbati sa Philippine national qualifying scrabble tournament
Emmanuel B. Villaruel (Banat) - March 22, 2019 - 12:00am

CEBU, Philippines – Pipila ka mga dekalibreng scrabble players lukop nasud ang mopakita'g aksiyon sa Cebu leg sa 2019 Philippine National Qualifying Scrabble Championship nga gikatakda karong Abril 6-7 diha sa Robinsons Galleria Cebu.

Matud pa ni Marilyn Abella sa Cebu Scrabble Association (CSA) nga maoy nag-organisar sa duha ka adlaw nga torneyo nga apil sa mokumbati mao ang mga Sugboanong professional players nga sila si Dartspeed Eslao, Renante dela Cerna, Joel Toroy ug Jowar Ayuno.

Si Robbie Onate, ang presidente sa Unified Scrabble Association of the Philippines, Inc. (USAPI) didto sa kaulohan, moanhi sab  sa Sugbo aron mosalmot sa kompetisyon ingon man ang pipila ka tang-an nga mga magduduwa gikan sa Mindanao.

Gawas sa pro, duna sa'y mga kategoriya alang sa high school ug elementary diin ang kompirmadong moapil gikan sa University of San Jose-Recoletos, Cebu Institute of Technology-University, Paref-Springdale, Quiot Elementary School, City Central School ug  Ramon Duterte Memorial National High School.

Gipasiugdahan sa Cebu City Sports Commission (CCSC)  ug  Department  of  Education-Cebu City Division, ang maong event magsilbeng Philippine qualifiers  sa  World Scrabble Championship karong Oktubre didto sa Goa, India.

Kadto lamang ang top 5 matag dibisyon ang moabante sa National Finals didto sa Manila karong Hunyo. Makadawat sab sila og ganting salapi diin ang makampiyon sa pro mobulsa ogP12,000 ug ang manghawod sa high school ug elementary dunay P5,000 matag usa.

Ang entry fee nagkantidad og P700 sa rated professionals, P500 sa non-professionals, P400 sa college ug P200 sa high school ug elementary players.

Alang sa dugang mga detalye, mahimong motawag nilang Orville (0947-7886944) o Marilyn (0998-8572724). 

SCRABBLE TOURNAMENT
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with