Chot Reyes salig Gilas moabante sa second round

CEBU, Philippines – Masaligon si Chot Reyes nga makaabante ang Gilas Pilipinas sa second round sa FIBA World Cup sa Agosto didto sa China.

Si Reyes nga maoy coach sa Gilas sa World Cup niadtong tuig 2014 sa Spain, nagkanayon nga may tsansa ang Pilipinas nga modaog og  duha sa Group D nga maoy gikinahanglan aron makasud sa second round.

Ang Gilas naipon sa lig-on nga bracket diin sangkaon nila ang Italy, Serbia ug Angola. Apan si Reyes nagtuo nga may  katakus ang Gilas  nga ubos na karon ni coach Yeng Guiao pag-iskor og duha ka daog.

Giangkon ni Reyes nga imposible nga mapilde sa Gilas ang No. 4 rank sa FIBA nga Serbia, apan makahimo ang national team sa pagkulit og upset nga daog batok sa No. 13 nga Italy ug No. 39 nga Angola.

Atol sa 2014 World Cup, ang Gilas misakmit og usa ka daog   sa  tulo  ka  duwa. Napilde nila ang  Senegal ug  naparot sila  sa Greece ug Argentina.