Yaw-Yan clinic sugdan sa Abril 1
CEBU, Philippines – Andam na ang tanan alang sa laing edisyon sa tinuig nga Yaw-Yan ArDigma Cebu Summer Clinic nga sugdan sa Abril 1 diha sa Yaw-Yan Headquarters sa 4th floor Coast Pacific Downtown Center, Sanciangko St.
Gipaabot nga mosalmot ang mga batan-on ilabi na nga panahon na usab sa bakasyon. Si Yaw-Yan ArDigma Cebu Founder Master Ekin miingon nga daghan ang mga batan-on ang interesado nga mokat-on sa mixed martial arts ilabi na sa kasikat karon sa mga torneyo sama sa One Championship ug Ultimate Fighting Championship.
"Its going to be another fun and exciting camp. We are expecting kids and teens to join us especially that we are offering classes in mixed martial arts," matud pa ni Master Ekin.
Ang Yaw-Yan nakaprodusir na og mga elite fighters, usa na niini si Roel 'Akiyama' Rosauro nga nakaaway na sa One Championship og kaduha ka higayon.
Gawas pa niini, tuyo usab sa maong clinic nga mapalayo ang kabatan-onan sa dautang bisyu sama sa drogas.
"My primary goal is still to develop Cebuano fighters that will excel in international stage. Hopefully through the summer clinic, I can find another potential fighters," dugang ni Ekin.
Gawas sa Yaw-Yan system ug MMA, laing mga makat-onan sa usa ka buwan nga training mao ang Muay Thai, arnis, boxing ug basic self-defense.
Nagsugod na ang pagparehistro didto sa Yaw-Yan ArDigma gym. Sa dugang mga pangutana, tawag sa numero 09436568900.
- Latest
