Westbrook gisuspenso

CEBU, Philippines — Ang All-Star guard sa Oklahoma City Thunder nga si Russell Westbrook gipahamtangan og usa ka duwa nga suspensiyon human mipahungaw sa iyang kayugot ngadto sa ilang kontra atol sa 110-88 nilang kapildihan ngadto sa Golden State Warriors.

Ang mga opisyal sa NBA nga gitahasan pagdisiplina sa mga players, misuspenso ni Westbrook human kini matawgi sa ika-16 niyang technical foul niadtong Domingo.

Segun sa lagda sa liga, ang usa ka player awtomatik nga masuspenso kun maka-abot na kini og 16 ka technicals sud sa usa ka season. Kun matawgan pa og dugang duha ka technical fouls si Westbrook hayan nga ang iyang coach na sab maoy masuspenso.

Si Westbrook napitohan sa ika-16 niyang technical sa nahibilin nga 3:29 sa duwa sa dihang natapalan siya ni Klay Thompson.

Mibokal ang dugo ni Westbrook kay wala motawag og foul ang mga reperi ug sa kalit lang iyang gibanggaan si Thompson. Mao kadto ang nagtuldok sa bati kaayong duwa ni Westbrook diin siya nabokya sa gibuhian niyang pito ka tres.

Mihipos siya og siyete puntos human mipasud og duha lamang sa 16 niya ka itsa. (BANAT NEWS)