Errol Spence gustong paretirohon si Manny Pacquiao
CEBU, Philippines — Kun ugaling sa bulan lamang sa Hulyo si Manny Pacquiao puwedeng makaaway, si Errol Spence Jr. andam nga motagana niini.
Misibaw ang planong "superfight" nilang Pacquiao ug Spence human gikulata sa ulahi ang kontra niyang si Mikey Garcia aron magpabiling kampiyon sa IBF welterweight niadtong Domingo didto sa AT&T Stadium sa Arlington, Texas.
Tuyo nga miadto si Pacquiao sa Texas aron personal nga mosaksi sa makasaysayanong away tali sa duha ka wa'y pildeng mga kampiyon.
Human gidominar ni Spence si Garcia, si Pacquiao giinterbiyu ibabaw sa ring samtang si Spence naminaw.
"Yes. Why not?" mubong tubag ni Pacquiao sa dihang gipangutana kun gusto ba niyang moaway sunod batok ni Spence alang sa usa ka IBF/WBA welterweight unification bout.
Sa iyang bahin, si Spence nagkanayon nga usa ka nindot nga away ang mahitabo kun ugaling madayon ang sangka nilang Pacquiao, ang bugtong eight-division world champion sa kasaysayan sa boksing.
Kun ugaling mahatagan kini og katumanan, si Spence dunay bahad ug kini mao nga iyang paritayron si Pacquiao. (BANAT NEWS)
- Latest