Pacquiao gihagit sa ex-sparmate

CEBU, Philippines – Gihagit ni WBC welterweight champion Shawn Porter ang Pinoy boxing icon nga si Manny Pacquiao alang sa usa ka 'unification bout' karong tuiga.

Si Porter bag-o lang nakadepensa sa iyang bakus pinaagi sa 'split decision' batok ni Yordenis Ugas niadtong Domingo.

Kahinumduman, si Porter mao ang kanhi sparmate ni Pacquiao dihang nangandam pa siya alang sa iyang sangka ni Miguel Cotto niadtong 2009.

Si Porter miingon nga higala sila ni Pacquiao, apan gusto niya nga sangkaon ang tanang kampiyon sa iyang dibisyon nga naglakip usab nila ni Errol Spence ug Keith Thurman.