WBO nimando og 'purse bid' alang sa Nietes-Palicte "rematch"
Emmanuel B. Villaruel (Banat) - February 24, 2019 - 12:00am

CEBU, Philippines —  Ang World Boxing Organization nimando og 'purse bidding' alang sa WBO super flyweight title bout tali nilang defending champion Donnie Nietes ug sa kababayan niining mandatory challenger nga si Ashton Palicte karong Pebrero 28 didto sa buhatan sa WBO sa San Juan, Puerto Rico. 

 

Si WBO Championship Committee chairman Luis Batista-Salas, sa sulat nga iyang gipadala ngadto sa mga hingtungdan niadtong Pebrero 22, miabiso nilang Michael Aldeguer sa ALA Promotions, ang promoter ni Nietes ug Guy  Taylor  sa  Roy Jones Promotions, ang promoter ni Palicte nga mosumiter sila og 'bid' sa labing menos nga kantidad nga $100,000 kon P5 million.

 

Gihimo sa WBO ang maong lakang human ang ALA Promotions ug Roy Jones Jr. Promotions napakyas pagkab-ot og kasabotan aron i-promote ang Nietes-Palicte "rematch". Pakyas sab si Aldeguer pagpresentar og alternatibong away alang ni Nietes nga sangonan sa WBO. Sila si Nietes ug Palicte nagsangka alang sa bakanteng trono sa WBO 115-pound division sa una nilang sangka niadtong Septiyembre 8 didto sa Los Angeles, apan naputos kini sa kontrobersiya human gideklarar nga tabla bisan daghan ang nagtuo nga si Nietes maoy klarong daog.

Nakampiyon gyud hinuon ang 34-anyos nga si Nietes human gipukan ang Hapon nga si Kazuto Ioka niadtong bisperas sa Bag-ong Tuig aron mamahimong ikatulong Pinoy'ng four-division world champion sunod nilang Manny Pacquiao ug Nonito 'The Filipino Flash' Donaire Jr.

  Samtang si Palicte nakaangkon og katungod nga  hagiton  og  balik si Nietes human gipalukapa ang Puerto Tican nga si Jose Chiquiro Martinez sa ilang WBO eliminator niadtong  Enero  31 didto sa California.

ASHTON PALICTE DONNIE NIETES
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with