Tapales nangambisyon nga ma-world champion
CEBU, Philippines — Seryoso si kanhi WBO bantamweight champion Marlon Tapales nga makakuha og laing kahigayonan nga ma-world champion human siya nakahukom nga adto na magbasi sa Estados Unidos pangandam sa gipaabot niyang world title eliminator.
Si Tapales nga midaog pinaagi sa fifth round knockout batok ni Mexican Fernando Parra didto sa Los Angeles, misaka sa ranking diin posibleng ihatag kaniya sa sunod sangka ang usa ka title eliminator.
Tungod niini si Tapales daling mibalik og ensayo human sa iyang impresibong kadaogan diin iyang gikuha ang kanhi Pinoy world champion ug trainer karon nga si Rodel Mayol.
Si Tapales misaka sa super bantamweight, rank No. 6 sa IBF ug WBO rason nga hayag karon ang laing world title fight sa umaabot. Andam sab si Tapales nga makigsangka bisan kinsa nila ni IBF champion Terence Doheny sa Australia ug WBO king Emanuel Navarrete sa Mexico.
Kahinumduman, nga nahanaw ang WBO belt ni Tapales dihang wala siya kakuha sa timbang atol sa iyang title defense niadtong tuig 2017.
- Latest