Cebu Niños andam na sa Batang Pinoy
Cebu Niños andam na sa Batang Pinoy
Lemuel P. Maglinte (Banat) - February 22, 2019 - 12:00am

CEBU, Philippines — Andam na ang Team Cebu City sa Batang Pinoy 2019 Visayas Qualifying leg sa Pebrero 23 hangtod sa Marso 2 didto Iloilo City.

 

Si Cebu City Sports Commission (CCSC) chairman Eduard Hayco miingon nga sakto sa preparasyon ang Team Cebu City ug gidasig niya ang 330 nila ka mga atleta nga mopakita og maayong labok aron makaduwa og nasudnong kompetisyon.

Masaligon si Hayco sa iyang gipormang koponan diin 70% niini nagagikan sa publikong mga eskuylahan, samtang ang laing 120 mga produkto sa School for Sports Program sa CCSC.

"We want to expose the kids to a national game and though many are newbies from our school for sports,  we expect a good fight," matud pa ni Hayco. "We have set our eyes for the top."

Sa miaging 2017 Visayas qualifiers, ang Cebu City maoy overall champion nga mihakot og 46  gold, 59   silver ug 69   bronze medals.

Ang Cebu City usab ang mipuwesto sa ikaduhang dapit atol sa National Championships sa miaging tuig didto sa Baguio City. 

"Be at your best, win or lose, have fun and make friends because that's what sports is all about," mensahe ni Hayco ngadto sa mga atleta atol sa ilang send-off ceremony niadtong Miyerkules didto sa Cebu City Sports Center. 

Kapin sa 3,000 ka mga atleta gikan sa 67 ka local government units sa tibuok Visayas ang mosalmot sa multi-sport conclave alang sa mga atleta nga nag-edad og 15-anyos ug paubos.

BATANG PINOY EDUARD HAYCO
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with