IBF champ mihagit ni Pacquiao
CEBU, Philippines — Laing welterweight champion ang napuno karon sa lista sa mga boksidor nga gustong makigsangka ni Pinoy ring icon Manny Pacquiao.
Kini human ang IBF welterweight king nga si Errol Spence namahayag nga bukas siya sa usa ka 'unification bout' batok ni Pacquiao bga maoy nagkupot sa WBA championship.
Si Spence, kinsa modepensa sa iyang bakus sunod buwan batok ni Mikey Garcia miingon nga dili niya atrasan si Pacquiao ug andam siya nga makigbinukbukay niini bisan anhi pa sa Pilipinas.
"I'll fight Manny Pacquiao anywhere, definitely in the Philippines and anywhere else", matud pa ni Spence sa nowboxing.com.
Nasayran nga ang kampo ni Pacquiao gusto gyud og "rematch" ni Floyd Mayweather Jr., apan naghuna-huna na og puli kun ugaling dili gyud makigsangka pag-usab ang undefeated American sa 'Pambansang Kamao'.
- Latest
