Knicks mipakgang sa 18 ka sunod-sunod nilang pilde
CEBU, Philippines – Naputol na gyud ang 18 ka sunod-sunod nga pilde sa New York Knicks human nila mabihag ang Atlanta Hawks, 106-91 sa duwa nila sa NBA kagahapon didto sa Atlanta.
Mao kadto ang labing unang daog sa Knicks sukad ilang gipahubas ang Los Angeles Lakers niadtong Enero 4.
Si Dennis Smith Jr. miiskor og 19 puntos, samtang sila si Kadeem Allen ug John Jenkins mitampo'g 14 puntos matag usa ug si Damyean Dotson mihipos og 13 puntos alang sa Knicks nga kontrolado kaayo ang duwa ug wala na molingi pa sukad sugdi ang aksiyon pinaagi sa 14-0 run .
Ang Hawks katapusang mipaduol sa iskor nga 78-87 sa oras nga 9:39 sa katapusang kuwarter gumikan kay ang Knicks mibawos sab dayon pamuntos bitbit ang tinguha nga putlon ang labing bati nilang pagkasukarap sa kasaysayan sa ilang prangkisa.
Si Dewayne Dedmon mipupo og 21 puntos, samtang si Trae Young miani og 16 puntos uban ang 11 ka assists alang sa Hawks nga napilde kaupat sa miagi nilang lima ka duwa.
- Latest
