Walay duwa sa PBA

CEBU, Philippines – Walay duwa sa PBA sud sa duha ka semana aron mahatagan og kahigayonan ang  ilang mga players nga makatutok sa ilang misyon uban sa Gilas Pilipinas.

Si PBA Commissioner Willie Marcial, PBA team governors ug Samahang Basketbol ng Pilipinas nagkasinabot nga ipadaplin lang una ang mga iskedyul sa duwa sa nagpadayong All-Filipino Cup sugod karong semanaha alang sa Gilas.

Gusto ni Marcial   nga makapahuway ug mohatag sa ilang siyento porsiyento ang mga national team members alang sa Gilas nga mag-atubang  og duha ka krusyal nga  duwa batok sa Qatar ug Kazakhstan  sa final leg sa World Cup qualifiers.

Mobalik ang aksiyon sa PBA karon pang Pebrero 27 didto sa Smart Araneta Coliseum.