Gilas Pilipinas nagsugod na sa ilang training
Lemuel P. Maglinte (Banat) - January 23, 2019 - 12:00am

CEBU, Philippines – Nagsugod na ang Gilas Pilipinas sa ilang training pangandam alang sa katapusang leg sa FIBA World Cup qualifiers kagahapon didto sa Ynares Sports Complex.

Kini ang  labing sayong training camp nga sa Gilas ubos sa pagtimon ni  coach Yeng Guiao tungod  kay determinado sila nga modaog sa nahibilin nilang duha ka duwa batok sa Kazakhstan ug Qatar aron makuha ang katapusang luna sa World Cup karong tuiga.

Lahi sa nangagi, ang national team laraw nga mopahigayon og usa ka bulan nga ensayo pangandam sa duha ka duwa nga pulos ipahigayon sa balwarte sa ilang kontra. 

Unang sangkaon sa Gilas ang Qatar sa Pebrero 21 ug dayon  ilang 'rematch' sa Kazakhstan sa Pebrero 24.

"What's important is that we instill the sense of urgency to their minds because our backs are against the wall already," matud pa ni Guiao sa ESPN5. "We need two wins or we'll fall short of our goal to join the FIBA World Cup."

Bisan pa og aduna sila'y giatubang nga mga responsibilidad sa tagsa-tagsa nila ka mga mother teams sa PBA, miapil gihapon sa unang adlaw sa praktis  ang  Sugboanon nga sila si JuneMar Fajardo ug  Roger Pogoy.

Uban nila silang  Jayson Castro, JP Erram, Marcio Lassiter, Gabe Norwood, Japeth Aguilar, Scottie Thompson ug Troy Rosario.

Gusto ni Guiao nga sayo nilang makuha ang team chemistry nga maoy wala kanila sa miaging leg hinungdan nga napilde sila sa Kazakhstan ug Iran.

GILAS PILIPINAS
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with