Broner nangangkon nga siya angay midaog
Lemuel P. Maglinte (Banat) - January 21, 2019 - 12:00am

CEBU, Philippines — Miani og nagkalain-laing reaksyon na ang pagdumili ni American boxer Adrien Broner sa pagdawat sa iyang kapildehan batok ni Manny Pacquiao kagahapon didto sa MGM Arena sa Las Vegas.

Si Broner gikulata ni Pacquiao sud sa 12 ka rounds diin pakyas siya pagsakmit sa WBA welterweight title, apan atol sa post-fight interview, si Broner isug nga miingon nga siya ang angay nga midaog tungod kay labaw siya sa puntos ug gitikasan siya sa judges.

“I beat him. Everybody out there knows I beat him. I controlled the fight, he was missing. I hit him clean more times. I beat him,” matud pa sa 29-anyos nga si Broner.“You know I beat that boy. They are trying to get that money with Pacquiao and Floyd.”

Daghan ang wa kauyon sa pamahayag ni Broner ilabi na ang mga boxing fans nga nakakita kung giunsa pagkastigo ni Pacquiao si Broner ibabaw sa ring.

Basehan sa punch statistics, si Pacquiao mipasulod og 112 sa 568 niya ka mga kinumo nga gilabay, samtang si Broner igo lang mipaigo og 50 sa iyang 298 ka sukmag.

Wala hinuon direkta nga nangayo og rematch si Broner, apan nagtuo siya nga gituyo nga gipadaog si Pacquiao aron mahitabo ang mega-rematch sa Pinoy boxing icon ug ni Floyd Mayweather Jr.

Wala hinuon gitagad sa kampo ni Pinoy ang pangangkon ni Broner ug nagtuo sila nga dismayado lang ang American boxer human wala siya kaporma batok sa mas edaran nga kontra. Ang 29-anyos nga si Broner mas bata og 11 ka tuig ni Pacquiao, apan nakita nga mas abtik pa ang nauwahi. (BANAT NEWS)

ADRIEN BRONER
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with