Rockets nakalingkawas sa Lakers
Lemuel P. Maglinte (Banat) - January 21, 2019 - 12:00am

CEBU, Philippines — Mipabuto si reigning MVP James Harden og 48 puntos aron isalbar ang Houston Rockets batok sa Los Angeles Lakers, 138-134, sa overtime kagahapon didto sa ilang balwarte sa Toyota Center sa Houston, Texas.

Ang Rockets nagukod sa Lakers diin milabaw ang nauwahi og 18 puntos sa wala pa milusad og rally ang koponan ni coach Mike D'Antoni aron ihatud ang duwa sa overtime. Ang tres ni Eric Gordon maoy mipugos og overtime batok Lakers.

Gikan didto, sikit ang duwa, apan mas nakapabor ang Rockets sa pagpangulo ni Harden kinsa mipaigo og mga krusyal nga tres sa daginutong minutos sa duwa.

Ang Lakers mipakita og kaisug pinaagi sa paglisud-lisud sa Rockets bisan pa og wala ilang sinaligan nga si LeBron James. Si Kyle Kuzma maog leading scorer sa iyang 32 puntos, samtang si Brandon Ingram adunay 21 puntos.

Nakasugat hinuon og laing suliran ang Lakers human makahiagum og injury sa tiil si Lonzo Ball.

Samtang didto sa Orlando, ang bisitang Milwaukee Bucks milubong  sa Magic, 119-90, diin pabilin sila nga No.1 nga koponan sa Eastern Conference sa record nga 33-12. Nangulo sa Bucks si Eric Bledsoe nga adunay 30 puntos, samtang si Giannis Antetokounmpo mirehistro og 25 puntos ug 13 ka rebounds.

Sa ubang mga duwa, ang Oklahoma City Thunder nakaipsot batok Philadelphia 76ers, 117-115, gilapa sa Toronto Raptors ang Memphis Grizzlies, 119-90,  gipatugpa sa Boston Celtics ang Atlanta Hawks, 113-105 ug ang Indiana Pacers mipayukbo sa Dallas Mavericks, 111-99. (BANAT NEWS)

NBA
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with