Cebuano runners nanghawod sa Bataan ultra-race
CEBU, Philippines — Ang mga pambato sa Spectrum Runners nga sila si Desiderio Engbino ug Preciousa Sanchez maoy migawas nga labing paspas sa tagsa-tagsa nila ka dibisyon sa Bataan Death March (BDM) 102-kilometer ultramarathon kagahapon didto sa Mariveles, Bataan.
Ang Cebu-based Boholano runner nga si Engbino misakmit og dakung daog human niya iapsi ang international veteran nga si Thomas Combisen. Si Engbino maoy labing kusug sa lumba dihang gitapos niya kini sud sa 10 ka oras, 11 minutos ug 35 segundos. Nagsunod si Combisen sa oras nga 10:14:59.
Sa iyang bahin, si Sanchez ang labing paspas sa women's class, apan wala pa mapagawas sa organizers iyang official time sa pagsuwat ning balita.
Nasayran nga sila sui Engbino ug Sanchez midaog usab og titulo sa miaging tuig atol sa BDM 102K ug BDM 160K. (BANAT NEWS)
- Latest