James mobalik na'g praktis sunod semana
CEBU, Philippines – Mopalta og dugang duha pa ka duwa si LeBron James tungod sa padayon ang pagrekober niini gikan sa iyang groin injury, apan gikatakda na kining mobalik og praktis sunod semana.
Mao kini ang kalamboan nga gipahibalo sa Los Angeles Lakers kagahapon.
Sa labing uwahing medical update sa Lakers, ang 34-anyos nga si James dili makaduwa uban sa Lakers sa ilang sangka batok sa Oklahoma City Thunder karong adlawa ug ingon man batok sa Houston Rockets karong Domingo.
Si James wala na makaduwa pa sukad siya na-injured atol sa ilang kadaogan batok sa Golden State Warriors niadtong Pasko didto sa ilang korte.
Sa panahon nga wala si James, ang Lakers misukarap ug napilde sa 11 ka duwa.
Si James lagmit makaduwa na sa ilang engkuwentro batok sa Warriors karong Martes o dili ba batok sa Minnesota Timberwolves sa Enero 25.
- Latest
