Cebuano kickboxers manulong sa Bohol
CEBU, Philippines — Duha ka fighters sa Yaw-Yan ArDigma Cebu ang mangulo sa mga kickboxers dinhi sa Sugbo nga mopakita'g aksiyon sa Bohol Muay Thai Tournament ugma didto sa Alicia, Bohol.
Gibansay ni Yaw-Yan ArDigma Cebu founder Master Benigno 'Ekin' R. Caniga Jr., sila si ONE Championship fighter Ruel 'Akiyama' Rosauro ug unbeaten Allan Albindo laraw nga mokulit og impresibong daog batok sa tagsa-tagsa nila ka mga kaatbang.
"This is an important fight for them. A win will give them a good start in their respective campaign this year. Aki is raring to get back in the ONE Championship cage to get his first win, while Allan wants to continue his streak," matud pa ni Master Ekin.
Ang lightweight prospect nga si Rosauro makigsangka ni Jervie Eslao sa Butuan City, samtang si Albindo makigbinukbukay ni Jerwin Caday sa Mandaue City ubos sa light featherweight division.
Laing Cebuano fighters nga moaway mao sila si Ariel Regodon batok Adrian Tanala sa Manila, Robert Balisaga batok Andrean Quimbao sa Butuan, John Ver Espra batok Edsie Oso sa Roxas City ug female fighter Alliah Torbiso batok Collen Saddie sa Olongapo.
- Latest