Kontra ni Mayweather nauwaw
CEBU, Philippines — Nauwaw sa iyang kaugalingon ang batan-ong Japanese kickboxer nga si Tenshin Nasukawa human siya gipaundang sa first round ni boxing legend Floyd Mayweather Jr. sa ilang sangka niadtong bisperas sa Bag-ong Tuig didto sa Japan.
Bisan pa'g walay kasinatian sa boksing, ang 20-anyos nga si Nasukawa misukol sa undefeated American boxer, apan igo lang siya mibarog sud sa 140 segundos ug gipakamang dayon.
Pipila hinuon ka mga fight fans ang misaway sa maong sangka tungod kay klaro nga pabor kaayo si Mayweather nga misaka sa ring nga bug-at og siyam ka libras sa Hapon.
Sa maong sangka, ang kanhi five-division world champion nakadawat og $9 million.
- Latest