Trainer nila ni Pacquiao, Broner nagpinikhanay
CEBU, Philippines – Duha ka trainers nga sila si Freddie Roach ug Kevin Cunningham ang nagtinubagay sa social media kabahin sa umaabot nga Manny Pacquiao-Adrien Broner showdown sunod bulan didto sa Las Vegas.
Si Roach, ang trainer ni Pacquiao unang mipagawas og pamahayag sa boxingscene.com nga nag-ingon nga dili mosalir si Broner sa iyang batos ug posible nga makatulog kini ibabaw sa ring.
"Manny will kill Broner. He is nowhere near Mayweather's skill," matud pa ni Roach.
Naabot kini sa kampo ni Broner nga dali sab kaayo mipadangat og insulto si Cunningham ngadto ni Roach, kinsa iyang gihulagway ang 'Hall-of-Fame' trainer nga walay pulos sa korner ni Pacquiao.
"It's obvious that Freddie's not the the trainer that he used to be. Manny has demoted him and promoted his bag boy as head trainer over Freddie. He's saying Manny's going to kill AB yet Freddie's not even in camp with Manny," matud pa ni Cunningham.
Dugang pa ni Cunningham nga grabe ang training sa kanhi light welterweight champion nga si Broner ug seryoso kini nga mopakurat sa tibuok kalibotan aron mailog ang WBA welterweight title ni Pacquiao.
- Latest
