NorthPort adunay iKApuli ni Romeo
CEBU, Philippines – Sukad mibalhin si Terrence Romeo ngadto sa TNT KaTropa, naglisud na ang NorthPort Batang Pier, apan ang mga kadagkoan sa koponan nakakita karon og rookie prospect nga himuon nilang sunod nga star player.
Ang NorthPort maoy nanag-iya sa No. 3 pick sa PBA Draft karong Domingo. Gitug-an ni team manager Bonnie Tan nga aduna na sila'y napilian. Nasaytan sa NorthPort mao si NCAA MVP Robert Bolick nga misikat tungod sa iyang pagkatirador diin mi-average siya og kapin sa 20 puntos.
Niadtong Agosto, si Bolick mipanganga sa tibuok NCAA dihang mirehistro siya og 50 puntos atol kadaogan sa San Beda Red Lions batok sa Arellano Chiefs.
Hinuon, anaa ra nila ni Ray Parks Jr. ug Fil-American CJ Perez ang mamahimong No.1 ug No. 2 sa draft nga naghatag og dako nga tsansa sa NorthPort nga makuha si Bolick.
Gidugang ni Tan nga maayo nga himuong tandem si Bolick sa ilang scorer ug national team mainstay nga si Stanley Pringle.
- Latest
